Një ngjarje e rëndë ka ndodhur në Karditsa, ku si pasojë e një shpërthimi janë plagosur 4 persona. Dy nga të plagosurit kanë marrë plagë në fytyrë, duar dhe shpinë dhe ndodhen të shtruar në spital në gjendje të rëndë. Një nga të plagosurit është një 28-vjeçar me origjinë shqiptare dhe një 55-vjeçar banues në Palamas.
Dy punëtorët e tjerë (54 dhe 58 vjeç) që mbetën të plagosur nga shpërthimi janë të shtruar në Spitalin e Karditsa. Aksidenti ka ndodhur mesditën e djeshme, në një fabrikë xhinsesh në rrugën Palama-Itea Karditsa, gjatë punimeve për montimin e një makinerie, e cila sipas informacioneve ishte riparuar dhe nuk ishte lidhur ende me kaldajën.
Nga shpërthimi ka rënë zjarr në fabrikë, i cili për fat nuk është përhapur pasi është mobilizuar menjëherë. Vijojnë hetimet për shkakun e aksidentit.
Discussion about this post