Zjarr në një fabrikë peshku në Lezhë, bllokohen lëvizjet në superstradë

Një fabrikë e përpunimit të peshkut është përfshirë nga flakët mëngjesin e sotëm duke shkaktuar bllokimin e lëvizjeve në superstradën Lezhë-Laç. Ngjarja ka ndodhur rreth orës 6 të mëngjesit të sotëm ndërsa nuk raportohen viktima. Fatmirësisht brenda fabrikës nuk kishte asnjë punonjës duke qënë se akoma nuk kishin mbërritur në punë

Zjarri dyshohet se ka nisur nga automatët e energjisë elektrike. Për këtë shkak janë krijuar probleme në trafik në autostradën Lezhë – Tiranë. Policia e Lezhës, për të siguruar qarkullimin dhe mos rrezikuar qytetarët, ka bërë devijimin e trafikut.

Grupi hetimor ndodhet në vendngjarje për të zbuluar detaje të mëtejshme.