Dy gra vdiqën dhe të paktën 10 persona u plagosën kur një zjarr shpërtheu në një shtëpi pleqsh në Madrid herët këtë mëngjes, raportoi AFP, duke cituar shërbimet e shpëtimit.
Zjarrfikësit shuan zjarrin, i cili shpërtheu rreth orës 7 të mëngjesit me orën lokale, në këtë hapësirë, ku strehohen 40 të moshuar dhe mundën të shpëtojnë banorët e tjerë, me ndihmën e policisë, shpjegohet në një video në X Isabel Casado, një përfaqësues zyrtar i shërbimeve në Madrid.
Njëra prej të plagosurave është në gjendje të rëndë, pasi ka pësuar djegie, ndërsa të tjerët janë shtruar në spital, pasi kanë thithur tym, sqaroi ajo.
Sipas zjarrfikësit Jose Luis Castillo, zjarri filloi në një dhomë në katin e parë dhe së shpejti kati i dytë u “mbyt nga tymi”.
Discussion about this post