Një vatër zjarri është aktivizuar mesditën e sotme në fshatin Kosinë, njësia Administrative Piskovë, në Përmet. Mësohet se, banorët e zonës të frikësuar nga përmasat e zjarrit lajmëruan menjëherë shërbimet policore dhe ato zjarrfikëse, të cilat shkuan në vendin e ngjarjes dhe po punojnë për shuarjen e flakëve.
Burimet bëjnë me dije se, në vendin e ngjarjes kanë shkuar zjarrfikës të bashkisë me dy mjete, forca bashkiake dhe banorë të fshatit, por flakët e përhapura me shpejtësi edhe si pasojë e favorizimit të erës kanë vënë në rrezik parkun e bletëve. Njoftohet se vijon puna për shuarjen e zjarrit, por deri më tani situata është akoma jashtë kontrollit.
E.H/ gijotina.com/
