Një automjet është përfshirë nga flakët pranë murit të nënstacionit elektrik në lagjen “Çlirimi” të qytetit të Lushnjës.
Sipas raportimeve, në vendngjarje kanë mbërritur forcat zjarrfikëse, të cilat kanë shuar flakët, ndërsa automjeti është shkrumbuar plotësisht, siç mund të shihet dhe në foton e mësipërme.
Fatmirësisht, flakët nuk janë përhapur në nënstacionin elektrik dhe as në banesat pranë zonës ku ndodhi ngjarja.
Ekspertët e Policisë Shkencore, në bashkëpunim me shërbimin zjarrfikës, po kryejnë veprimet hetimore për të përcaktuar shkaqet e rënies së zjarrit dhe djegies së automjetit.
Discussion about this post