Një zjarr i përmasave të konsiderueshme ka rënë pak minuta më parë në një hapësirë toke pranë një shkolle në qytetin e Vlorës, duke shkaktuar panik tek banorët dhe nxënësit.
Sipas informacioneve paraprake, zona e përfshirë nga flakët ishte e mbuluar me barishte dhe shkurre të thata. Dyshohet se zjarri është vendosur qëllimisht për pastrim të zonës, por për shkak të kushteve të thata, flakët janë përhapur me shpejtësi të madhe.
Gjatë djegies, janë dëgjuar shpërthime të forta, që dyshohet se vijnë nga fishekë të vjetër, të mbetur prej vitesh në atë zonë, çka ka rritur ndjeshëm rrezikun për banorët përreth.
Forcat zjarrfikëse ndodhen në vendngjarje dhe po punojnë për neutralizimin e flakëve dhe sigurimin e perimetrit pranë shkollës.
Fatmirësisht, deri tani nuk raportohet për të lënduar, por situata mbetet e tensionuar dhe nën monitorim të vazhdueshëm nga autoritetet.
Discussion about this post