Një zjarr i fuqishëm ka rënë mbrëmjen e sotme pranë plazhit të Gjeneralit, ku si pasojë e flakëve janë djegur tre banesa në fshatrat Domen dhe Bardhoj. Ndërkohë që flakët po përhapen në një sipërfaqe të madhe pyjore.
Mësohet se për shkak të terrenit të vështirë është e pamundur ndërhyrja e mjeteve zjarrfikëse, ndërsa përhapja e flakëve mund të rrezikojë me dhjetëra banesa të tjera.
Ndërkohë rikujtojmë se një zjarr i madh ka rënë edhe në pyllin e Bubqit në Fushë Krujë. Burime nga vendi i ngjarjes bëjnë me dije se flakët kanë prekur dhe një magazinë me ushqim për blegtorinë.
Efektivët e repartit të zjarrfikëses janë vendosur në vendin e ngjarjes ku po tentojnë shuarjen e flakëve. Zjarri dyshohet nga pakujdesia.
