Dy vatra zjarri janë regjistruar në qarkun e Beratit, duke shkaktuar dëme në sipërfaqe të konsiderueshme pyjore dhe duke rrezikuar seriozisht banesa si dhe toka të kultivuara.
Njëra prej vatrave të zjarrit ka përfshirë zonën e fshatit Mbrakull, që ndodhet në Bashkinë e Poliçanit. Flakët kanë kapluar një sipërfaqe të madhe të mbjellë me pisha, dhe përhapja e mëtejshme e zjarrit po nxitet nga era e fortë që po fryn në zonë si dhe nga temperaturat e larta të kësaj periudhe.
Ndërkohë, një vatër tjetër zjarri ka shpërthyer në fshatin Virjon, që bën pjesë në Bashkinë e Beratit. Sipas informacioneve të para, shkaku i këtij zjarri dyshohet të jetë një defekt në linjën elektrike.
Autoritetet lokale dhe ekipet e zjarrfikësve janë angazhuar për të izoluar dhe shuar këto vatra zjarri, si dhe për të mbrojtur banesat dhe pronat e banorëve që rresikohen nga flakët.
Discussion about this post