Kryebashkiaku i Himarës, Vangjel Tavo, u ka bërë thirrje urgjente banorëve të largohen nga banesat, bizneset dhe ambientet e tjera që mund të përbëjnë rrezik për jetën, për shkak të përhapjes së zjarrit drejt zonave të banuara.
Në apelin e tij, Tavo kërkon që banorët të ndjekin udhëzimet e autoriteteve dhe të largohen nga zonat e rrezikuara për të shmangur pasojat e mundshme.
Ai u bën thirrje qytetarëve të kërkojnë ndihmën e Policisë së Shtetit, Policisë Bashkiake, forcave zjarrfikëse dhe shërbimit të urgjencës mjekësore në rast nevoje.
“Ruani qetësinë dhe zbatoni udhëzimet e autoriteteve”, apelon kryebashkiaku Tavo, ndërsa situata në Himarë vijon të mbetet kritike për shkak të përhapjes së flakëve.
Thirrja e kryebashkiakut Tavo: THIRRJE URGJENTE PËR BANORËT E HIMARËS!
Për shkak të zjarrit të papritur që po përparon drejt zonave të banuara, ju bëjmë thirrje të largoheni nga shtëpitë, bizneset apo ambiente të tjera që mund të përbëjnë rrezik për jetën.
Ju lutemi, kërkoni ndihmën e organeve të policisë se rendit, policisë bashkiak, zjarrfikësve dhe urgjencës mjeksore në çdo kohë
Ruani qetësinë dhe zbatoni udhëzimet e autoriteteve!
gijotina.com/
Discussion about this post