Në Parkun Kombëtar të Malit të Tomorrit zjarri është aktiv prej ditës së hënë dhe deri tani janë djegur 15 hektarë me kullota e pyje të djegura. Autoritetet vendore sqaruan se vatra ndodhet në zonën e “Majës së Çukës”, aty ku mbahet pelegrinazhi i përvitshëm i besimtarëve bektashinj. Më e dëmtuar ka qenë kurora e pishave në atë zonë. Sipas drejtuesit të Administrates se Zonave te Mbrojtura Fatos Nako tha se në terren 11 punonjës dhe 15 zjarrfikës, ndërsa po negociohet për për ardhjen e 30 forcave të ushtrisë.
Lushnjë
Një zjarr i rënë mbrëmjen e së hënës në kodrat mbi fshatin Lekaj në Lushnje kanë djegur 10 hektarë me shkurre e pisha. Terreni i vështirë kodrinor dhe me mungesë rrugësh për të shkuar mjetet zjarrfikëse e bën edhe më të vështirë situatën.
Zjarrfikësit e Lushnjes po punojnë me mjete rrethanore dhe me pompa shpine. Në ndihmë të tyre kanë ardhur dhe zjarrfikës nga Fieri dhe Patosi por vështirësia mbetet për shkak të terrenit. Zjarri vijon të djegë sipërfaqe me bar të thatë e shkurre.
KORÇË
Ndërkohë në Malin e Thatë dhe në Parkun Kombëtar të Prespës zjarri vijon prej 7 ditësh. 80 forca po punojnë në terren, ndërsa është ulur intensiteti i flakëve. Perfekti i Qarkut Korçë Nertil Jole tha se ‘sot pritet që të vihet nën kontroll’.
VLORE
Situata e zjarreve ka qenë problematike edhe në qarkun e Vlorës, teksa ditën e marte u njoftua nga emergjencat civile se janë shuar të gjitha vatrat pas aksionit të ndërmarrë prej orësh lufte me flakët. Raportohen 70 hektarë me bimësi të djegura në fshatin Velçë dhe 2 banesa të braktisura. Gjithshtu në këtë sipërfaqe janë të dëmtuara 1000 rrënjë ullinj dhe tubat e ujësjellësit.
gijotina.com/
Discussion about this post