Komisioneri i BE-së për menaxhimin e krizave, Janez Lenarcic pranoi sot kërkesën e kryeministrit Rama për të përfshirë Shqipërinë, në mekanizimin e Bashkimit Europian për mbrojtjen civile. Lenarcic u pyet nëse BE do të dërgojë avionë për shuarjen e zjarreve gjatë verës në Shqipëri. Ai tha se kjo gjë nuk ishte në dorë të mekanizmit të Mbrojtjes së BE-së, por në dorë të vendeve anëtarëve. Lenercic tha se ishin bërë përgatitjet për një verë të ngjeshur ku ndihma me avionë për shuarjen e zjarreve varej nga solidariteti i shtetve anëtare por shtoi se edhe Shqipëria duhet të kontribuonte.
“Nuk duhet të harrojmë se çfarë e bën këtë mekanizëm të funksionojë kaq mirë. Është solidariteti. Ne nuk kemi avione që të shuajmë zjarret, i kanë shtetet anëtare. Është solidariteti i tyre që e bën të mundur mundësinë për shuarjen e zjarreve. Kështu që sivjet në verë do të jemi gati për një verë tjetër të ngjeshur sepse besojmë se do ketë zjarre. Shpresojmë që edhe shtetet e tjera anëtare do të angazhohen dhe do të vënë në dispozicion mjetet për shuarjen e zjarreve.” -tha komisioneri, Janez Lenercic.
Discussion about this post