Prej disa ditësh vendi ynë nuk ka gjetur qetësi nga vatrat e mëdha të zjarrit ku janë djegur sipërfaqje të mëdha toke. Zjarret në vend dhe efektiviteti i autoriteteve në situatat e tilla, siç ishte rasti i Sazanit, ka qenë tema e diskutimit mbrëmjen e sotme në “Top Story”.
Në lidhje me këtë temë gazetarja Anila Hoxha u shpreh se niveli i përgatitjes së Ministrisë së Mbrojtjes në këto raste është shumë minimaliste dhe aspak profesioniste. Hoxha u shpreh se helikopterët “Cougar” në Shqipëri janë një lëmsh korrupsioni dhe shkaktojnë dëm në buxhetin e shtetit për mirëmbajtje dhe qira.
“Duket sikur jo vetëm është mallkim por është edhe një lëmsh korrupsioni në rastin më të keq. Jam marrë me këtë investigim nga gushti 2021, ku kam botuar një investigim dhe ishte pikëshit “cougar” i fundit. Situata në atë kohë ishte e nderë, teknikët dhe pilotët me shpirt dhe humanizëm e morën përsipër rrezikun, edhe pse ky cougar nuk e kishte kryer manualin. Pasi për orë fluturimi dhe qëndrimi kërkohet mirëmbajtje. Por kur shteti nuk investon fillon falimentimi i këtij helikopteri. Ai pësoi defekt me vetëm katër orë fluturim, ky helikopter vazhdon të shkaktojë jo etëm dëm për buxhetin e shtetit për mirëmbajtje dhe qera. Helikopteri i parë supozohej që do të transportonte të gjitha autoritetet e larta shqiptare. Ushtarakët këmbëngulnin se nuk duhej një helikopter VIP por gjithëpërfshirës.Teorikisht jemi shumë në rregull dhe I kemi kapur standartet, vitin e kaluar u rrezikuan jo vetëm pasuritë por edhe jeta e banorëve në fshatin Dukat. Mënyra se si duhet të funksionojë emergjenca civile duhej të ishte krejt ndryshe. Tani në terren, ka vetëm katër zjarrfikëse, si mund të menaxhohen zjarre në një vend si Vlora? Në Gjirokastër gjithashtu është e njëjta situatë” ka thënë gazetarja.
Nga ana tjetër gazetari Muhamed Veliu u shpreh se në të gjithë qarkun e Vlorës janë vetëm 4 zjarrfikëse dhe 27 punonjës të saj, një numër mjaft i vogël në krahasim me nevojën e gjithë territorit të Vlorës.
Discussion about this post