Policia e Vlorës prej disa ditësh vijon intensivisht hetimet për të vënë para përgjegjësisë autorët e zjarreve. Ditëm e sotme është raportuar se janë vënë në pranga dy të moshuar për veprën penale “Shkatërrim i pronës me zjarr”. Policia njofton se u arrestua shtetësia E. Xh., 62 vjeçe, pasi në vendin e quajtur “Mbi Park” në fshatin Peshkëpi, duke pastruar parcelën me ullinj, aksidentalisht ka djegur një sipërfaqe me shkurre.
Gjithashtu, është vënë në pranga shtetasi Nj. F., 66 vjeç, pasi në vendin e quajtur “Qafa e Topit”, në lagjen “Lirim”, Vlorë, nga pakujdesia, ka djegur një sipërfaqe toke me shkurre, dhe ka dëmtuar disa rrënjë ullinj në pronësi të tij dhe pronarë të paidentifikuar.
Në këtë kuadër, Drejtoria Vendore e Policisë Vlorë apelon për të gjithë banorët, që në asnjë rast të mos shkaktojnë zjarrvënie, pasi do përballen me ligjin. Policia fton qytetarët që të denoncojnë në numrin 112 dhe Komisariatin Dixhital, për çdo rast të zjarrvënies apo të paligjshmërisë në tërësi, duke iu garantuar anonimatin dhe reagim të shpejtë e të paanshëm.
E.H/ gijotina.com/
