Situata e zjarreve në vend mbetet shqetësuese, me 26 vatra të evidentuara deri në orën 13:00 të kësaj të shtune, 26 korrik. Prej tyre, 17 janë aktive ndërsa 9 të tjera po mbahen në monitorim nga autoritetet.
Ndryshimet klimatike po i bëjnë flakët më të rrezikshme, por reagimi institucional në Shqipëri mbetet i vakët.
Shërbimet zjarrfikëse në Shqipëri përballet me pajisje dhe një flotë automjetesh tejet të vjetruara, duke nxjerrë në pah një problem të gjerë të mungesës së investimeve në infrastrukturën e emergjencave civile.
Edhe pse buxhetet lokale janë të detyruara me ligj të parashikojnë fonde për shërbimet e emergjencës, investimi mbetet i pamjaftueshëm, duke lënë zjarrfikësit të luftojnë flakët me mjete rrethanore. Shpesh herë i kemi parë zjarrfikësit duke punuar me lopata, në kushte tejet të vështira për shuarjen e flakëve.
Po ashtu, edhe Qeveria nuk investon në blerjen e avionëve për shuarjen e zjarrëve. Dhe si gjithmonë presim që shtetet fqinje të na ndihmojnë me avionë për të bërë të mundur shuarjen e zjarreve, por që deri më tani askush nuk i ka hedhur sytë drejt nesh.
“Pamje që flasin vetë!
Emergjencat civile në Shqipëri janë në emergjencë!”- shkruan deputetja demokrate Ina Zhupa në një video ku shihen zjarrfikësit teksa punojnë me kushte rrethanore.
Discussion about this post