Kryeministri Edi Rama për të dytën ditë rradhazi ka kërkuar nga prokurorët dhe gjyqtarët të zbatojnë me rigorozitet ligjin kundër zjarrvënësve, që i konsideron si kriminelë.
Ndërsa ka përgëzuar Policinë e Shtetit për arrestimin e zjarrvënësve, Rama i ka kujtuar prokurorëve dhe gjyqtarëve ligjin, që parashikon 15 vite burg për piromanët.
“Një tjetër zjarrvënës i arrestuar në flagrancë nga Policia e Shtetit dhe një tjetër arsye për ta përsëritur apelin ndaj prokurorëve e gjykatësve në rrethe, që të zbatojnë me përgjegjshmëri ligjin, i cili parashikon deri në 15 vjet burg për këtë soj kriminelësh.
Edhe njëherë përgëzime Policisë së Shtetit për punën shumë të mirë që po bën në këtë front të mbrojtjes së një pasurie kolosale, të krijuar nga breza të tërë për brezat e ardhshëm”, shkruan Rama.
Discussion about this post