Ministri i Mbrojtjes, Niko Peleshi bëri të ditur se do të dhurohen 3 milionë dollarë për forcat e armatosura të cilat kanë qënë të angazhuara në operacionin për shurjen e zjarreve.
Kjo u tha ditën e sotme në aktivitetin që u zhvillua, në bazën ajrore në Farkë, lidhur me menaxhimin e situatës së zjarreve në vend, ndërsa shtoi se do të kujdeset që kjo shumë të vijojë të jetë e qëndrueshme në të ardhmen.
“Unë dua të falenderoj kryeministrin që po mbështet propozimet e ardhshme. E them në mënyrë simbolike një fond 3 milionë dollarë për forcat e armatosura që janë angazhuar në këtë operacion është një shumë jo e vogël, unë angazhohem që në të ardhmen të jetë një shumë e qëndrueshme. Kam takuar modele të shkëlqyera të punonjësve të shtetit. Prefekti i Vlorës më ka prekur kur e kam parë pa gjumë në majën e Llogarasë duke punuar si ushtarët për t’i nxitur. Dëmi nuk është i vogël por më e keqja është shmangur. Kjo përballje na ka treguar sa i domosdoshëm është modernizimi i mbrojtjes civile. Duhet të punojmë për një çasje të rë. Nuk do të bëjmë shpërndarje vlerësimesh, por duhet të bëjmë të gjithë një meditim. Jemi shumë mbrapa akoma për harmonizimin e të gjitha forcave. Na duhet të reflektojmë. Ne kemi mbajtur shënimet tona”, tha Peleshi.
