Zjarrfikësit vënë në kontroll flakët në pallatin pranë DPSHTRR

Pas disa minutash në luftë me flakët, zjarrfikësit kanë arritur të vënë nën kontroll zjarrin që kishte përfshirë katin e fundit të një pallati në Tiranë.

Ngjarja ka ndodhur pranë zonës së ish-parkut të autobusave në kryeqytet, në rrugën ‘Sali Butka’ pranë DPSHTRR.

Ballkoni i një banese, në katin e fundit të një pallati shumëkatësh, është përfshirë nga flakët, sot rreth orës 14:00 në zonën e ish-parkut të Autobusëve në Tiranë, në rrugën ‘Sali Butka’.

Ende nuk dihen shkaqet e zjarrit. Fatmirësisht nuk u raportuan për persona të lënduar, por vetëm për dëme materiale.

Flakët janë përhapur jashtë për shkak të veshjes me polesterol të katit të sipërm.

Forcat zjarrfikëse kanë arritur të vënë nën kontroll zjarrin.