Një vatër e re zjarri është shfaqur mbrëmjen e sotme në Krastën e Krujës, pranë lagjes Boje, rreth 500 metra larg banesave.
Sipas informacioneve paraprake, flakët kanë përfshirë një sipërfaqe të konsiderueshme me pisha dhe zjarri po përhapet në terren.
Ndërhyrja me mjete zjarrfikëse është e vështirë për momentin për shkak të terrenit, duke e bërë të komplikuar afrimin e forcave pranë vatrës.
Në këtë zonë janë regjistruar edhe më herët vatra zjarri. Sipas burimeve, një nga pistat që po shqyrtohet për shkakun e zjarrit lidhet me dyshimin për vendosje të qëllimshme të flakëve nga persona që kultivojnë kanabis, por kjo mbetet për t’u verifikuar nga hetimet.
Discussion about this post