Kryetarja e LSI-së, Monika Kryemadhi ka ironizuar autoritetet për situatën alarmante me zjarrin në ishullin e Sazanit. Përmes një postimi ajo shkruan se ndërkohë që Sazani digjet, bosët e Inceneratorëve krihen.
“Çudira shqiptare: Sazani digjet, ushtria nuk ka mjete, ndërse bosët e Inceneratorëve (në kërkim) vetëm në 30 Maj morën 600 mijë € dhe….. krihen”, shkruan kryetarja e LSI-së.
Kujtojmë që në terren për shuarjen e flakëve në ishullin e Sazanit ndodhet ushtria dhe punonjësit e ADZM-së, të cilët po punojnë për fikjen e zjarreve.
Për shkak të terrenit të vështirë, puna për shuarjen e zjarreve është gati e pamundur. Forcat në terren po përdorin mjete rrethanore. Në lidhje me zjarrin në Sazan pati dhe një reagim nga ministri i i Mbrojtjes, Niko Peleshi, i cili u shpreh se në terren ndodhen 61 efektivë të Forcave Detare dhe Tokësore, ndërsa punën e zjarrfikësve po e vështirëson terreni. Kjo është hera e dytë që brenda pak ditësh që ishulli i Sazanit përfshihet nga flakët. Vetëm dy ditë më parë, disa shkurre e ferra u dogjën ndërsa u desh ndërhyrja e forcave të ushtrisë.
Discussion about this post