jë zjarr i madh ka rënë gjatë ditës së sotme në Madhesh të Matit. 8 vatra zjarri janë shfaqur për vetëm 20 minuta, ndërsa flakët kanë rënë në një zonë të mbrojtur, andaj duhet ndërhyrja nga ajri.
Flakët po afrohen tek pishat shumë vjeçare. Aty janë 5 banesa dhe 3 kulla. Disa të moshuar kanë ikur me kilometra të tëra, për të shpëtuar nga zjarri. Po rrezikohen edhe banesat, duhet ndërhyrje nga ajri. Banesat nuk shikohen nga tymi dhe flakët, tha një dëshmitar.
Sipas informacioneve drejt zonës do të shkojë një helikopter. Disa koshere bletësh janë dëmtuar. Flakët mund t’i kenë vënë disa persona. Zjarri dyshohet të jetë i qëllimshëm. Nëse nuk ka ndërhyrje nga ajri, zjarri do të marrë përmasa të mëdha dhe do dëmtohet pasuria në fshatin Madhesh.
Në terren ndodhet dhe kreu i shërbimit zjarrfikës të Shqipërisë Arben Cara, sipas të cilit janë shpëtuar disa banesa dhe zjarri po mbahet nën kontroll.
“Prej disa orësh po luftohet me vatrat e zjarrit, për vënien në kontroll të vatrave të zjarrit, banesat janë shpëtuar dhe njerëzit janë evakuuar. Në vijim do të shtojmë forcat zjarrfikëse në terren që zjarri mos të përhapet në fshatrat përreth”, tha ai.
gijotina.com/
Discussion about this post