Flakët në Majën e Rrunës në Kukës kanë dalë jashtë kontrollit, por megjithatë ende nuk ka një ndërhyrje nga ajri për të neutralizuar vatrën. Në një intervistë për ABC, Xhemal Onuzi, Drejtuesi i Operacioneve për fikjen e zjarreve në Kukës tha se kërkesa për ndërhyrje nga zjarri është bërë.
Onuzi bëri të ditur se të gjitha kapacitetet e bashkisë janë vënë në funksion të situatës, edhe pse nuk janë të mjaftueshme. Sipas tij, situatën e vështirëson terreni dhe hapësira e vatrës.
Drejtuesi i Operacioneve për Fikjen e Zjarreve u shpreh se ekipet janë të fokusuar tek ato vatra që mund të rrezikojnë banesat.
“Për momentin nuk rrezikohen, kemi marrë të gjitha masat për evakuim. Kemi plan evakuimi për t’i stabilizuar në një objekt. Kemi 58 forca që operojnë. Kërkesa për helikopter është bërë, pritet nga momenti në moment.”
Xhemal Onuzi u shpreh se po bashkëpunohet me të gjitha strukturat.
