Deputeti Belind Këlliçi ka reaguar lidhur me zjarrin në Astir gjatë orëve të mesnatës. “Nëse shteti nuk ndërhyn në kohë, këto ngjarje do të kthehen në tragjedi me pasoja në jetë”, shkruan i alarmuar Këlliçi.
“Shërim të shpejtë banorëve të lënduar nga zjarri i djeshëm në zonën e Astirit! Nëse shteti nuk ndërhyn në kohë, këto ngjarje do të kthehen në tragjedi me pasoja në jetë”, shkruan Këlliçi.
Nga zjarri janë lënduar tetë banorë, të cilët kanë shkuar për mjekim në spital. Pasi kanë marrë ndihmën mjekësorë janë larguar nga spitali.
Ndërsa katër makina janë shkrumbuar. Sipas policisë zjarri ka shpërthyer në garazhin e pallatit në , në Unazë të Re, në rrugën “Aleksandri i Maqedonisë”.
Si pasojë e zjarrit, janë dëmtuar lehtë dhe kanë shkuar për mjekim në spital personat e identifikuar me iniciale A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar.
Grupi hetimor po punon për sqarimin e rrethanave të ngjarjes.
Discussion about this post