Ministri i Energjisë i Ukrainës, German Galushchenko, pati një bisedë telefonike “urgjente” me homologen e tij amerikane Jennifer Granholm rreth situatës në termocentralin bërthamor Zaporizhzhia mëngjesin e ditës së sotme, sipas një deklarate nga Ministria e Energjisë e Ukrainës.
Zjarri në objekt shpërtheu në orët e para të mëngjesit të së premtes dhe që atëherë është shuar pa viktima, sipas Shërbimit Shtetëror të Emergjencave të Ukrainës.
“Armiku nuk është i shqetësuar për sigurinë bërthamore dhe rrezatuese,” tha Galushchenko, sipas deklaratës. Ai shtoi se Rusia ishte “indiferente ndaj jetëve njerëzore të ukrainasve, evropianëve dhe qytetarëve të tyre”.
“Ne jemi përpjekur t’ia përcjellim këtë mesazh Agjencisë Ndërkombëtare të Energjisë Atomike për disa ditë. Ne kërkuam ndërhyrjen e kësaj organizate ndërkombëtare dhe vendime të ashpra në lidhje me agresorin. Por ata nuk janë ende atje”, u shpreh Galushchenko.
“Prandaj, ne kërkojmë jo vetëm një vlerësim profesional të asaj që po ndodh, por edhe ndërhyrje reale, duke marrë masat më të ashpra, duke përfshirë NATO-n dhe vendet që posedojnë armë bërthamore”, shtoi ai.
Discussion about this post