Një zjarr ka rënë në Çërrila të Mallakastrës. Deri tani si pasojë e zjarrit janë djegur 4 banesa ndërsa njëra prej tyre ishte e banueshme. Fatmirësisht nuk ka pasur të lënduar në njerëz. Dëmet nga zjarri janë të mëdha, pasi janë djegur sipërfaqe të mëdha me pisha dhe ullishte.
Për të shuar flakët ka ndërhyrë helikopteri i Forcave të Armatosura, i cili ka ndalur vrullin e flakëve, po sërish era ka ndezur vatra të reja. Terreni ka qenë i vështirë dhe vetë zjarrfikësit në këto kushte dhe banorët kanë punuar me mjetet e tyre rrethanore për të fikur zjarrin. Zjarri ka që prej mbrëmjes së djeshme.
Discussion about this post