Dropulli ndodhet në situatë kritike pas zjarreve që përfshinë këtë zonë. Pavarësisht se forca zjarrfikëse dhe banorë të zonës dhe vullnetarë u angazhuan për izolimin e vatrave të zjarrit dhe shuarjen e tyre, u desh ndërhyrja nga ajri e një helikopteri grek.
Kryetari i bashkisë Dropull, Dhimitër Toli ka falenderuar shtetin fqinj për ndihmën e dhënë në një moment që zjarret po iu afroheshin zonave të banuara.
“Ne kemi marrë të gjitha masat. Kam një falënderim të veçantë për bashkinë Memaliaj, forcat zjarrfikëse të gjithë ata që na mbështetën në këtë situatë. Një falënderim të veçantë kam për qeverinë greke për mbështetjen me helikopter. Fillimisht në orët e para u ndërhy vetëm me tre mjetet e zjarrfikëseve të Dropull më pas kur flaket avancuan në të gjithë zonën u kërkua ndërhyrje nga ajri dhe zjarrfikës të tjerë. Njerëzit që mund të kenë shkaktuar zjarrin duhet të ndalohen dhe të vihen para ligjit. Unë dua të falenderoj të gjithë banorët pasi kanë ndihmuar shumë.”-tha ai.
Discussion about this post