Një ngjarje e rëndë është shënuar mbrëmjen e sotme në Gjirokastër. Një çift të moshuarish kanë humbur jetën në banesë, pasi është përfshirë nga flakët. Bëhet fjalë konkretisht për viktimat Fotini dhe Irakli Panajoti 84 vjeç. Zjarri ka qenë masiv, e për pasojë dy të moshuarit kanë ngecur brenda dhe nuk u kanë shpëtuar dot flakëve.
Paraprakisht dyshohet se shkak për zjarrin në banesën e tyre në fshatin Hllomo të Dropullit është bërë oxhaku i shtëpisë, pasi fshati kishte disa ditë pa energji elektrike.
Të moshuarit ishin përpjekur të dilnin nga banesa, por dyshohet janë asfiksuar nga tymi shumë pranë derës kryesore. Banesa kishte rreth 10 m3 dru të thatë që i përdornin për oxhakun brenda saj çka ka favorizuar zjarrin.
Ngjarja ka ndodhur në fshatin Hllomo të bashkisë Dropull në Gjirokastër.
Fshati Hllomo ndodhet rreth 3 orë larg nga Gjirokastra dhe infrastruktura rrugore është tejet e vështirë dhe amortizuar.
Zjarrfikësja ende nuk ka shkuar në vendin e ngjarjes pikërisht për këtë arsye. Fshati banohet nga numër fare i vogël banorësh.
Nuk dihen ende shkaqet e zjarrit, ndërsa paraprakisht dyshohet nga pakujdesia.
Discussion about this post