Zjarret në Dukat të cilat vijojnë të përhapen nga duart e papërgjegjshme, po vazhdojnë të jenë aktive.
Forcat e Zjarrfikëses së Bashkisë Vlorë kanë qenë që prej orëve të para të mëngjesit në Dukat fshat, në zonën e quajtur Paliskë, për të shuar zjarret.
Pas përpjekjeve të orëve të gjata, forcat e zjarrfikësve po vendosin nën kontroll flakët, duke normalizuar kështu situatën.
Rikujtojmë se Dukat ka pasur një histori të gjatë me zjarret, ku shuarje dhe përhapja e vatrave kanë qenë të zakonshme. Duke konsideruar terrenin e vështirë, për shuarjen e flakëve, kanë ndërhyrë edhe helikopterë nga ajri duke hedhur ujë.
