Një zjarr i përmasave të mëdha ka rënë këtë të enjte në Finiq.
Zjarri ka përfshirë parkun arkeologjik të Finiqit, ndërsa i janë afruar edhe banesave, siç duket nga pamjet.
Deputetja e Partisë Demokratike, Ina Zhupa, e cila ka publikuar pamjet, ka bërë një thirrje për ndërhyrje nga ajri nga forcat zjarrfikëse në Finiq. Në një postim në rrjetet sociale, ajo shprehet se tashmë flakët kanë përfshirë parkun arkeologjik të Finiqit dhe zjarri ka avancuar drejt banesave duke rrezikuar pronat dhe jetën e banorëve.
Ende nuk dihen shkaqet e rënies së zjarrit, ndërsa forcat zjarrëfikëse po punojnë për shuarjen e tij. Megjithatë, terreni i vëshirë vështirëson punën e tyre.
Discussion about this post