Zjarri në fshatin Brailat të Finiqit ka hyrë në disa shtëpi (VIDEO)

Zjarri në fshatin Brailat të Finiqit ka hyrë në disa shtëpi, raporton media lokale ne Sarande.

Ndërkohë, një zjarr i përmasave të mëdha ka shpërthyer mbrëmë në periferi të fshatit Vllahat dhe është përhapur me shpejtësi në fshatin Kostar dhe lagjet Xhermëhallë dhe Llakë në Delvinë. Flakët fillimisht rrezikuan banesat në zonë, duke krijuar një situatë emergjente që kërkoi ndërhyrje të menjëhershme nga autoritetet.

Në përpjekje për të shuar flakët dhe për të mbrojtur banesat, janë angazhuar helikopterë zjarrfikës. Zjarri ka përpirë një pyll me pisha në periferi të Delvinës, pranë lagjes Xhermëhallë, duke shkaktuar dëme të mëdha në mjedis.

Pavarësisht përpjekjeve të zjarrfikësve, punonjësve të Bashkisë Delvinë dhe banorëve të zonës, zjarri në Delvinë ende vijon. Situata mbetet kritike, ndërsa flakët vazhdojnë të përhapen në zona të tjera, duke rrezikuar seriozisht banesat dhe jetën e njerëzve.