Zjarri në Gjirokastër ende aktiv, flakët djegin bimësinë gjatë natës

Zjarri në Gjirokastër ka vazhduar edhe gjatë orëve të natës.

Forca të shumta zjarrfikëse dhe ata vullnetarë kanë ‘luftuar’ me zjarrin, për të mos lejuar përhapjen e flakëve drejt qytetit dhe fshatrave në të dy krahët.

Sipas informacionev, në ndihmë kanë ardhur edhe efektivë nga Tepelena dhe Përmeti.

Në orën 4:30 të mëngjesit të sotëm u bë riorganizimi në stacion për dislokimin e forcave në pikat kyçe për mbajtjen nën kontroll dhe izolimin e zjarrit.

Lufta me flakët vijon ende. Në operacion aktualisht po marrin pjesë rreth 180 forca të zjarrfikëseve, ushtrisë dhe vullnetarëve.

Njëri grup po punon për bllokimin e zjarrit në drejtim të fshatit Mashkullorë, një grup në drejtim të qytetit dhe grupi tjetër në kufirin e Gjirokastrës me fshatin Lazarat.