Zjarri në Greqi në 2018 më i rëndi në historinë e botës, të mbijetuarit kërkojnë ende drejtësi/ VIDEO

Të paktën 107 persona humbën jetën nga zjarri vdekjeprurës në Mati në Greqi. Por sot 6 vite pas, ende vijon mos gjykimi siç duhet i fajtorëve.

Sipas mediave helene, çështja është rihapur pas një vendimi të Prokurorisë së Athinës, pas vendimit të kontestuar të marrë në prill, kur u dënuan vetëm 5 nga 20 të pandehurit, ish-zyrtarë të skuadrave të shpëtimit.

“Ne e dinim që në fillim që rezultati i këtij gjyqi do të ishte zhgënjyes. Dhe ne mbetëm shumë të zhgënjyer për shkak se e ndjemë se nuk ka drejtësi”, thotë Chrysa Gerakaki, e mbijetuar e zjarrit.

Athina Moutafi humbi të birin në det përpara syve të saj. Ajo luftoi për 6 orë për të shpëtuar të bijën dhe në fund ia doli. Pasi dëgjoi shqiptimin e vendimit 6 vjet më vonë nga ngjarja, ajo u dorëzua. Tani atyre u duhet të përjetojnë sërish momentet tragjike në Gjykatën e Apelit. E njëjta gjë vlen për Aris Herouvim, i cili humbi të ëmën, motrën dhe dy mbesat binjake nga zjarri.

Tani ka nisur gara me procesin e dytë që do të fillojë këtë vit, pasi deri në 2026-n nuk do të ketë një vendim final, që do të thotë se me një vendim nga Gjykata e Lartë, çdo detyrim do të anulohet.

Rikujtojmë që zjarri në Mati, është zjarri i dytë më i rëndë në historinë e botës, pas zjarrit të Australisë në 2009 ku humbën 173 persona.

Sipas autoriteteve greke zjarri nisi nga një 65-vjeçar i cili donte të digjte shkurret pas shtëpisë së tij, pasi situata i doli jashtë kontrollit kërkoi ndihmë, por ishte injorimi i emergjencave civile një ndër arsyet që sollën pasoja fatale. Ata nuk e morën seriozisht pasi ishin duke luftuar në një tjetër vend me zjarrin.