Institucionet vendore kanë dalë në një konkluzion duke bërë një bilanc për dëmin e shkaktuar në ishullin e Sazanit, pas më tepër se dy javësh punë në terren.
Në ishullin e Sazanit sipërfaqja e shkrumbuar nga flakët është rreth 6 hektarë, sipërfaqe kjo e cila pritet të shihet në muajt në vijim nëse është ose jo e rikuperueshme.
Sipërfaqja e cila është djegur nga flakët ka qenë me barishte, shkurre mesdhetare, pisha dhe selvie bregdetare të mbjella në ishull që prej kohës së luftës së parë botërore.
Ende nuk ka një numër të saktë të armatimeve të cilat kanë shpërthyer, pasi numri i fishekëve të shpërthyer mendohet ti ketë kaluar numrat tre shifrorë ndërsa në numër tepër më të vogël kanë qenë predhat e shpërthyera në të por ende për këto s’ka asnjë bilance.
Pritet që në ditët në vijim institucionet vendore dhe ministritë e linjës të dalin në një raport zyrtar për konstatimin e dëmeve të shkaktuara në Ishullin e Sazanit.
Discussion about this post