Zjarri në Lushnjë, 35 persona të asfiksuar në spital, mes tyre…

Ka shkruar në 35 persona numri i personave të asfiksuar nga zjarri që ka rënë në ndërtesën 12 katëshe në Lushnjë, që më pas janë dërguar në spital.

Mes të transportuarve janë dy fëmijë dhe dy zjarrfikës. Këta të fundit janë asfiksuar ndërsa kanë marrë pjesë në operacionet e shpëtimit të personave të bllokuar në ndërtesë. Të gjithë janë jashtë rrezikut për jetën.

Ende flakët vijojnë të jenë aktive.

Sipas ministres së Shëndetësisë 4 prej tyre janë zjarrfikës, ndërsa gjendja e tyre është stabile, jashtë rrezikut për jetën.

“Ministrja e Shëndetësisë dhe Mbrojtjes Sociale Albana Koçiu në spitalin e Lushnjes viziton personat që po marrin ndihmën mjekësore. Aktualisht, 35 persona ndodhen në urgjencën e spitalin e Lushnjës, 4 prej të cilëve janë punonjës zjarrfikës.  Fatmirësisht personat që po trajtohen në spital janë në gjendje stabël, jashtë rrezikut për jetën”, thuhet në reagimin e Ministrisë së Shëndetësisë.