Zjarri në malin e Çikës, në Vlorë vijon të jetë aktiv prej katër ditësh. Nga zjarri janë djegur sasi të konsiderueshme shkurresh dhe pyjesh. Terreni i vështirë e bën të pamundur ndërhyrjen e zjarrfikëses ndërsa mësohet se ka vijuar ndërhyrja nga ajri.
Bëhet me dije se drejt zonës janë nisur dy helikopterë të cilët kanë ndërhyrë për të shuar zjarrin, që rrezikoi dhe fshatin e Dhërmiut. Situata ka qenë serioze ndërsa deri më tani flakët janë përhapur vetëm në kodër, nuk kanë zbritur në Llogara apo në Dhërmi. Turistët për shkak të tymit që ka mbuluar zonën kanë nisur të largohen.
Discussion about this post