Punonjësit e zonave të mbrojtura kanë nisur prej mëngjesit fikjen e zjarrit me mjete rrethanore në zonën e Malit të Thatë.
Burime për Gijotina.com shprehen se zjarri dyshohet të jetë i qëllimshëm, dhe ende po punohet për izolimin e tij, ndërsa nuk dihet ende sa është sipërfaqja e djegur.
Gjithashtu, vatra e zjarrit në fshatin Mançurisht, në kufi me fshatin Gollobërdë vijon të jetë aktive, duke dëmtuar tokat bujqësore. Banorët janë të alarmuar pasi zjarri po përhapet dhe rrezikojnë banesat. Policia dhe zjarrfikësja janë nisur drejt vendngjarjes.
