Tre zjarrfikës janë asfiksuar nga tymi në një pallat që u përfshi nga flakët në lagjen “Besëlidhja” të Lezhës.
Të lënduarit janë dërguar me urgjencë në spitalin e Lezhës, për ndihmë mjekësore.
Zjarrfikësit shpëtuan rreth 1 orë më parë edhe një të moshuar i cili ishte asfiksuar nga tymi.
I moshuari është asfiksuar nga tymi pasi nuk ka arritur që të dalë nga banesa në kohë, sikurse bënë fqinjët e tjerë, të cilëve u është kërkuar që të qëndrojnë jashtë deri sa tymi të pastrohet komplet.
Sipas informacioneve, zjarri ka rënë në katin nëntokë të pallatit, në një transformator elektrik dhe tymi ka përfshirë menjëherë të gjitha katet e mësipërme.
Discussion about this post