Një vatër zjarri e aktivizuar në fshatin Pishporo të Fierit, i cili nisi që prej ditësh së djeshme ka djegur rreth 30 hektarë me pisha, ndërkohë flakët ende vijojnë të përhapen.
Në terren për shuarjen e zjarrit janë angazhuar rreth 30 forca zjarrfikëse, 40 forca të ushtrisë dhe pesë mjete zjarrfikëse.
Që nga dita e djeshme po kërkohet ndërhyrje nga ajri por deri në këto momente helikopteri nuk ka ardhur në zonë, ku zjari po përhapet edhe nga era që fryn.
Më herët ditën e sotme shefi i shërbimit zjarrfikëse të bashkisë Fier, Zija Hyka, tha se për shkak të nxehtësisë të shkaktuar nga vatrat dhe pyllit mjaft të dendur është e pamundur ndërhyrja nga zjarrfikësit.
Discussion about this post