Një situatë e vështirë është krijuar në zonën pyjore të Semanit, pranë grykëderdhjes së lumit, ku janë aktivizuar katër vatra zjarri.
Flakët po avancojnë në sipërfaqen pyjore, ndërsa era e fortë që ka përfshirë zonën favorizon përhapjen e tyre dhe vështirëson punën e ekipeve të emergjencës.
Forcat zjarrfikëse të Fierit ndodhen prej disa orësh në terren, duke u përpjekur të vënë nën kontroll vatrat dhe të krijojnë një perimetër izolimi për të shmangur përhapjen e zjarrit në pjesë të tjera të pyllit.
Ndërhyrja vijon, ndërsa situata mbetet në monitorim për shkak të kushteve të favorshme për përhapjen e flakëve.
Discussion about this post