Zjarri në qendrën tregtare/ Skënder Brataj: Po hyhet në çdo derë…

Situata në pallatin 12-katësh në Lushnje i cili prej mesditës së sotme (25 dhjetor) është përfshirë nga flakët është normalizuar.

Në një prononcim për mediat, shefi i urgjencës, Skender Brataj  tha se po hyhet në çdo derë ka apo nuk ka njeri për të kontrolluar.

Ai theksoi se dy godina deri më tani janë kontrolluar, ndërsa e tratë është në gjysëm. Për fat të mirë deri më tani nuk raportohet për viktima, ndërsa personat e asfiksuar po marrin ndihmë mjekësore në urgjencën e spitalit të Lushnjes.

Brataj shtoi se gjendja e tyre nuk është serioze, por edhe nëse do të ketë ndonjë komplikacion  të ndonjërit prej pacientëve, spitali i Fierit dhe i Tiranës janë vënë në gatishmëri.

“Po hyhet në çdo derë, ka apo nuk ka njeri. Nuk besoj se do të ketë pasojë për pacientët që janë në spital, po edhe nëse do të ketë janë njoftuar, Fieri dhe Tirana.

Janë kontrolluar 3 godina, tjera është në gjysëm. Nuk rezulton asnjë person në qendrën tregatare dhe  godinat përreth”, tha ndër të tjera ai.

Zjarri në Lushnjë

Flakët e zjarrit që nisën pasditen e sotme (14:40) në katin e tretë të qendrës tregtare, mbi të cilën ndodhen dhe apartamente banimi, po përhapen me shpejtësi, ndërsa zjarrfikësja e ka të pamundur ta lokalizojë për shkak se nuk ka kapacitetet e mjaftueshëm.

Mësohet se gjithashtu ka disa banorë që janë bllokuar brenda në banesat e tyre, ndërsa tymi ka përfshirë katër anët e pallatit.

I gjithë shërbimi zjarrfikës i Tiranës është nisur drejt qytetit të Lushnjës, për të bërë të mundur shurjen e flakëve.

Gjithashtu dhe ministri i Brendshëm Taulant Balla ndodhet në vendngjarje dhe po ndjek nga afër situatën për të cilën tha se është shumë serioze.