Zjarri në Sazan, Peleshi jep lajmin e mirë: Janë neutralizuar 14 vatra

Ministri i Mbrojtjes, Niko Peleshi ka dhënë përditësimet e para për zjarrin në ishullin e Sazanit. Sipas ministrit Peleshi efektivët e FA-së kanë mundur të neutralizojnë 14 vatra në këtë ishull.
MESAZHI
Pas një pune të pandërprerë, efektivët e FA kanë mundur të neutralizojnë rreth 14 vatra zjarri në ishullin e Sazanit.
Rreth 100 trupa të tjerë të Forcave të Armatosura po dërgohen në terren, ndërsa janë vënë në dispozicion edhe 3 anije të Forcës Detare. Trupat vazhdojnë operacionin e izolimit të plotë të flakëve, krijimin e brezit të shpyllëzimit me mjete shtesë nga Komanda Mbështetëse.