Edhe pse ende nuk është konfrimuar shkaku, zjarri që dyshohet se mund të jetë shkaktuar nga një shkëndijë elektrike shkrumboi jo vetëm një stallë, por u përhap dhe në pyllin e fshatit Pllanë të Lezhës. Erërat e forta favorizuan flakët duke lënë pas dëme të mëdha për fermerin.
Prefekti i qarkut Gjok Jaku thotë se forcat e ushtrisë dhe zjarrëfikësit do vazhdojnë të qëndrojnë në gadishmëri pasi ka ende vatra të vogla aktive.
“Do jenë prezent deri sa të bindemi që nuk ka asnjë mundësi që zjarri të aktivizohet përsëri. Fakti që ka erë na detyron të qëndrojmë këtu”, ka thënë ai.
Pronari i kësaj stalle tregon se si luftoi me flakët për të shpëtuar bagëtitë ndërsa thotë se ka pësuar një dëm të madh ekonomik.
“Flakët ranë në depon e ushqimve të thata të kafshëve nxorrëm me disa punëtore bagëtitë”, është shprehur ai ndër të tjera.
Ai kërkon që të dëmshpërblehet për humbjet.
