Mbrëmjen e djeshme një fabrikë bojërash është përfshirë nga flakët, ndërsa disa prej zjarrfikësve që kanë qenë në luftë me flakët kanë pasur probleme shëndetësore.
Gijotina.com ka publikuar video pranë ambienteve te magazinës dhe luftën e jashtëzakonshme të zjarrfikësve me zjarrin.
Sipas burimeve, 5 efektivë zjarrfikës kanë mbetur të asfiksuar si pasojë e tymit toksik, mbrëmjen e djeshme. Zjarrëfikësit janë dërguar në spital, ku ndodhen jashtë rrezikut për jetën.
Një pjesë e zjarrfikësve janë toksikuar (helmuar) nga lëndët që po digjeshin në fabrikë. Ata janë dërguan në spital për ndihmë mjekësore, deri në stabilizimin e gjendjes shëndetësore.
Që pas njoftimit për zjarrin e rënë në atë biznes, situata paraqitej e rëndë, por fatmirësisht nuk pati persona të lënduar ose viktima.
Në ambientet e fabrikës gjatë momentit të shpërthimit të vatrës së zjarrit nuk ka pasur punonjës brenda në fabrikë. Sipas autoriteteve, pranë objektit në momentin e flakëve kanë qenë vetëm rojet të cilët janë larguar në kohë.
Për shuarjen e flakëve në fabrikën e bojërave në Maminas u angazhuan 15 mjete zjarrfikëse, 65 forca zjarrfikëse si dhe 200 forca policie dhe vullnetarë.
Fatmirësisht zjarri u arrit që të shuhej gjatë natës, ndërkohë që dëmet materiale janë të mëdha.
Deri më tani nuk dihen shkaqet e ngjarjes në fjalë.
Discussion about this post