Mëngjesin e sotëm një zjarr ka përfshirë katin -1 të Urgjencës së re në QSUT. Policia thotë se për fat të mirë nuk ka persona të lënduar, ndërsa janë evakuuar stafi mjekësor dhe pacientët.
Pacientët u transferuan me ambulancë për në ambientet e spitalit Sanatoriumit në Sauk.
Grupi hetimor po punon për zbardhjen e rrethanave të ngjarjes.
Njoftimi i policisë
Tiranë/Informacion paraprak
Më datë 11.02.2024, rreth orës 05:30, në Rrugën e Dibrës, dyshohet se si pasojë e një shkëndije, ka rënë zjarr në katin -1, te urgjenca e re.
Shërbimet e Policisë në bashkëpunim me forcat zjarrfikëse, menjëherë kanë bërë evakuimin e stafit mjekësor dhe pacientëve. Zjarri është fikur dhe si pasojë e tij nuk ka persona të dëmtuar.
Grupi hetimor po punon për zbardhjen e rrethanave të ngjarjes.
Discussion about this post