Një zjarr i përmasave të mëdha ka përfshirë fshatin Bastrovë të Vlorës, ndërsa qytetarët frikësohen se flakët e dalë jashtë kontrollit tashmë, mund t’i afrohen banesave të tyre dhe flakët rrezikojnë të përhapen.
Një banore e fshatit tregon se nuk kanë dijeni nëse zjarri është i qëllimshëm, por shton se shumica e zjarreve në zonë shkaktohen nga dora e njeriut.
“Jemi nga fshati këtu, nga Bestrova, na tronditën nuk e dimë kush e vuri zjarrin. I thash burrit dil shpejtë se na erdhi zjarri në fshat. Më zuri frika se mos na vjen zjarri në shtëpi. Ne nuk dimë gjë, por këtu zjarri po vihet me qëllim”, thotë ajo.
Pavarësisht, rrezikut se zjarri mund të arrij tek banesat, akoma nuk ka ndërhyrje nga ajri, ndërkohë që situata vijon të agravohet.
