Një zjarr ka përfshirë një lokal në Berat, që ndodhej në afërsi të Urës së Goricës. Zjarri nisi në një nga dhomat e gatimit të lokalit dhe më pas flakët janë përhapur me shpejtësi në të gjithë lokalin. Flakët u favorizuan edhe më shumë pasi lokali ishte i ndërtuar me dru.
Ngjarja ka ndodhur në orët e para të mëngjesit dhe është pikasur nga banorët që kanë lajmëruar efektivët e Repartit Zjarrfikës të qytetit. Pas mbërritjes, zjarrfikësit kanë lokalizuar flakët dhe të shuar zjarrin.
Zjarri shkaktoi dëme të shumta materiale, por fatmirësisht nuk ka persona të lënduar. Në momentin që ka rënë zjarr nuk kishte punonjës apo klientë në ndërtesë. Paraprakisht dyshohet se shkak i zjarrit është zgara në kuzhinë, i cila është lënë ndezur.
