Zjarri përfshin një sipërfaqe me ullinj në Mifol, Vlorë – dëme të konsiderueshme

Një zjarr i përmasave të konsiderueshme ka përfshirë një sipërfaqe me ullinj  në fshatin Mifol, në Vlorë.

Sipas informacioneve paraprake, flakët kanë përfshirë një parcelë me ullinj si dhe tokën përreth saj, duke shkaktuar dëme të mëdha në pronat bujqësore.

Forcat zjarrfikëse mbërritën në vendngjarje pas raportimeve të para dhe kanë nisur punën për izolimin dhe shuarjen e zjarrit.

Shkaqet e rënies së flakëve mbeten ende të paqarta, ndërsa sipërfaqja e djegur raportohet të jetë e konsiderueshme. Autoritetet lokale po ndjekin nga afër situatën e krijuar.