Ngjarja e 11 shkurtit 2024, që tronditi sistemin spitalor në Tiranë, do ketë dy persona të pandehur, që janë punonjës të Drejtorisë së Spitaleve, të cilët pritet të vihen nën akuzë për “Shpërdorim detyre”.
Hetimet për zbulimin e personave përgjegjës në rënien e zjarrit në ambientet e Urgjencës Kombëtare në QSUT, janë drejt fazës përfundimtare dhe pritet që brenda muajit shkurt 2025, Prokuroria e Tiranës të dalë me një konkluzion përfundimtar për marrjen të pandehur të dy personave.
Bëhet fjalë për një inxhinier elektrik dhe një teknik i spitalit, të cilët nga hetimet e kryera është zbuluar se kanë “Shpërdoruar detyrën”, duke mos plotësuar si duhet kriteret dhe standardet.
Ndërsa për sa i përket kompanisë që ndërtoi objektin dhe instaloi sistemin elektrik të baterive (UPS) nuk do merret asnjë masë penale pasi gjatë hetimeve është provuar se kompania ka zbatuar në rregull kontratën 11 milion euro.
Zjarri u raportua rreth orës 05:30 në katin e parë të ndërtesës më 11 Shkurt 2024, e ku fatmirësisht nuk pati persona të lënduar.
Fillimisht u tha se shkak ishte bërë një shkëndijë elektrike, por megjithatë pas kryerjes së ekspertizës, rezultoi se flakët e zjarrit ishin shkaktuar nga sistemi elektrik i baterive (UPS).
Për shkak të zjarrit pati dëme material por fatmirësisht jo në njerëz. Pas me shumë se tre muaj jashtë funksionit, në 19 qershor 2024 filloi funksionimi me kapacitet të plotë i urgjencës kombëtare në QSUT.
Discussion about this post