Ish-kandidati për kryetar i Partisë Demokratike, Agron Shehaj ka reaguar pas djegies që iu bë mbrëmjen e djeshme vilës së ‘Sarajave të Toptanave’. Përmes një shkrimi të bërë në rrjetet sociale, ai shkruan se djegia është një humbje e madhe për trashëgiminë kulturore shqiptare.
POSTIMI I SHEHAJT:
Djegia dhe shkatërrimi i Sarajeve të Toptanëve, e vetmja dhe më e vjetra e mbijetuar në Tiranë, është një humbje e madhe për trashëgiminë kulturore shqiptare.
Pas shkatërrimit të Teatrit Kombëtar, përflitej prishja e Sarajeve si pjesë e planit të ndërtimit të kullave në atë vend. Ato dyshime u bënë realitet.Zjarrvënia është bërë me leje të kryebashkiakut të Tiranës Erjon Veliaj, i cili ka gati edhe lejen e ndërtimit.Kalojnë vitet, ndryshojnë kryebashkiakët por fatkeqësisht nuk ndryshon keqqeverisja.Erjon Veliaj, nëpërmjet korrupsionit, ka vendosur postin e kryebashkiakut në shërbim të oligarkëve dhe pastrimit të parave.
