Gjyshja e djalit të një prej mjeteve që është djegur në Korçë thotë se fillimisht ata janë njoftuar nga fqinji, më pas kanë dalë dhe kanë vënë nën kontroll vetë flakët.
Mjeti nuk arriti të digjej plotësisht ndërsa e moshuara thotë për gazetaren Lorena Kodra se mjetin e ka nipi i saj dhe se ishte në dijeni të një konflikti që ai kishte me disa moshatarë të tij, por nuk dinte për çfarë bëhej fjalë.
“Ka ndodhur gjatë natës. Na lajmëroi një komshie për zjarrin. Nipi kishte bërë fjalë me djemtë, siç bëjnë sherr këta. Nuk e dimë mirë se çfarë ka ndodhur. Ne nuk dëgjuam asgjë, komshia na lajmëroi, e thërriste djalin, më pas na mori në telefon”, ka treguar gjyshja e njërit prej personave që i është djegur automjeti.
Discussion about this post