Policia e Vlorës arrestoi një person, si të dyshuar për zjarret në fshatrat Panaja dhe Mifol.
Ndërkohë Policia ka nisur procedimin penal edhe ndaj një shtetasi tjetër po për zjarrvënien në Mifol.
Në vijim të punës hetimore për identifikimin dhe vënien përpara përgjegjësisë ligjore të autorëve të zjarrvënieve, specialistët për Hetimin e Krimeve të Komisariatit të Policisë Vlorë arrestuan në flagrancë shtetasin 56 vjeç, pasi ka ndezur zjarr në fshatin Panaja, dhe si pasojë e përhapjes së flakëve janë djegur një sipërfaqe toke me bimë dhe ambienti i jashtëm i një lokali.
Ndërsa ka nisur procedimi penal për një 69 vjeçar, pasi ka ndezur zjarr, në pyllin e fshatin Mifol, dhe si pasojë e përhapjes së flakëve është djegur një sipërfaqe me bimësi dhe shkurre.
Materialet procedurale i kaluan Prokurorisë, për veprime të mëtejshme.
Discussion about this post